Ballkani dhe Ferizaj kanë luajtur baras 1-1 në ndeshjen e vlefshme për xhiron e 12-të në Albi Mall Superligën e Kosovës.
Therandasit nuk kanë arritur të shfrytëzojnë terrenin vendas për të marr tri pikët e radhës dhe për ta barazuar Prishtinën në pozitën e parë, pasi janë ndalur nga Ferizaj me barazim.
Pjesa e parë e ndeshjes u karakterizua me lojë më të mirë të vendasve, të cilët krijuan më shumë dhe arritën të shënojnë edhe një gol.
Goli i vetëm në këtë pjesë erdhi në minutën e 16-të të ndeshjes me anë të Ëalid Hamidit, i cili shënoi për epërsinë 1-0.
Në pjesën e dytë, skuadrat ishin më të barabarta, pati më shumë raste, por rrjetën e gjeten vetëm mysafirët.
Për mysafirët golashënues ishte Betim Haxhimusa (48’), i cili shënoi për barazimin 1-1 dhe ky doli të ishte rezultati përfundimtar i ndeshjes, me të dyja skuadrat që u desh të pajtohen me nga një pikë.
Pas këtij barazimi, Ballkani e sheh veten në pozitën e dytë me 23 pikë, teksa Ferizaj renditet në vendin e shtatë me 14 pikë.
Në ndeshjen e ardhshme, therandasit luajnë në udhëtim te Drenica, teksa ferizajasit e presin Dukagjinin. /Kampionet/
