Sunday, November 30, 2025
Hapsir per reklama 728x90
BallinaLiga NdërkombëtareAlexander-Arnold nderon Diogo Jotën në Anfield: Letra prekëse dhe kontrolluesi i kuq...

Alexander-Arnold nderon Diogo Jotën në Anfield: Letra prekëse dhe kontrolluesi i kuq i PlayStation që kujton kohën e tyre te Liverpooli – Kampionet

Para ndeshjes së Ligës së Kampionëve në Anfield, Real Madridi i bëri homazhe prekëse ish-futbollistit portugez Diogo Jota dhe vëllait të tij, Andre, të cilët humbën jetën në një aksident tragjik automobilistik në Zamora.

Real Madridi, në vizitën e tij në Merseyside, iu bashkua homazhit: Trent Alexander-Arnold, ish-shoku i skuadrës së Jotës, së bashku me Xabi Alonso, Dean Huijsen dhe Emilio Butragueno, vendosën dy buqeta me lule para hyrjes kryesore të stadiumit, duke nderuar kujtimin e Diogos dhe Andre Jotës para ndeshjes kundër Liverpoolit.

Trent shoqëroi buqetën me një letër prekëse: “Miku im, Diogo. Na mungon shumë, por ende të duam shumë. Kujtimi yt dhe i Andre do të jetojnë gjithmonë. Buzëqesh sa herë që mendoj për ty dhe do t’i kujtoj gjithmonë momentet e mira që ndamë. Më mungon, miku im, çdo ditë”.

Ai gjithashtu vendosi një kontrollues të kuq PlayStation për të nderuar festimet legjendare të Jotës, duke shkruar: “Përgjithmonë kampion, do të më mungosh”.

Trajneri dhe ish-lojtari i Liverpoolit, Xabi Alonso, vendosi një buqetë me lule të bardha, shoqëruar me mesazhin: “Real Madridi shpreh ngushëllimet për Liverpool FC dhe familjen e Diogo Jotës. Bota e futbollit vajton humbjen e një lojtari dhe një personi të jashtëzakonshëm”.

Anfield është më shumë se një stadium; është një tempull i futbollit ku emocionet dhe respekti për historinë e lojës janë të shfaqura qartë. Më parë, në vitin 2023, legjenda Kenny Dalglish vendosi një buqetë për Amancio Amaro, një lojtar historik të Real Madridit që kishte ndërruar jetë mëngjesin e 21 shkurtit, duke treguar kështu lidhjen e veçantë mes dy klubeve. /Kampionet/

RELATED ARTICLES

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

- Advertisment -Hapsir per reklama 300x250

Most Popular

Recent Comments