Federata e Futbollit të Kosovës (FFK) e ka kontaktuar talentin e Rijekas, Dominik Thaqin, që përfaqëson grupmoshën e Kroacisë U19, këtë e ka konfirmuar agjenti i lojtarit, Matej Skrego, në një bisedë për Kampionetn.
18-vjeçari që luan në pozitën e anësorit të djathtë, ka filluar të zërë vend në ekipin e gjigantit kroat, ndërsa tashmë ka zhvilluar tre paraqitje në Superligën e Kroacisë.
Agjenti i tij, Skrego, për Kampionetn konfirmoi interesimin e Kosovës, megjithatë deklaroi se FFK-ja duhet të diskutojë me të direkt në rast të ndonjë marrëveshje.
“Lojtari ka marrë thirrje nga Kosova, por i ka transferuar të gjitha këto tek unë, që jam menaxheri i tij. Lojtari është i fokusuar vetëm në fushë dhe unë do të flas me Federatën në rast që më telefonojnë”, deklaroi shkurtimisht ai.
Dominik Thaqi
Kush është Dominik Thaqi?
Anësori këmbëshpejtë ka filluar të bëjë emër në Kroaci, ku falë paraqitjeve të shkëlqyeshme në grupmoshat U19 edhe arriti të ftohet në ekipin e parë këtë edicion.
Ai ka zhvilluar 12 paraqitje këtë sezon për të rinjtë, ku kontribuoi me tre gola, kurse me ekipin e parë luajti në dy ndeshje në Superligën Kroate (kundër HNK Gorica dhe Slaven Belupo), si dhe zhvilloi 67 minuta në Ligën e Konferencës në fitoren ndaj Sparta Pragës (1-0).
Dominik Thaqi
Thaqi përpos pozitës në anësorin e krahut të djathtë të sulmit di të luajë edhe në qendër, ose në krahun e djathtë të mesfushës.
Përndryshe, aktualisht lojtari është pjesë e grupmoshës U19 të Kroacisë, ku ka të zhvilluar edhe tre paraqitje në proces./Kampionet/
