Friday, November 28, 2025
Hapsir per reklama 728x90
BallinaLiga NdërkombëtareJuventusi ndalet me barazim në derbin e qytetit nga Torino - Kampionet

Juventusi ndalet me barazim në derbin e qytetit nga Torino – Kampionet

Një derbi pa gola 0-0, por me shumë emocione dhe raste të humbura u zhvillua mes Juventusit dhe Torinos, në një përballje ku portierët ishin protagonistët kryesorë.

Ndeshja nisi me një ritëm të kujdesshëm nga të dyja skuadrat, por Juventusi ishte më këmbëngulës në kërkim të golit.

Në minutën e 31-të, pas një harkimi të Teun Koopmeiners, portieri Alberto Paleari ndërhyri me grusht, por topi u kthye te Khephren Thuram, i cili goditi fort nga distanca përsëri Paleari reagoi shkëlqyeshëm duke e ndalur topin në vijën fatale.

Në minutën e 33-të, Andrea Cambiaso u shfaq i lirë në zonë dhe goditi drejt shtyllës së djathtë, por sërish Paleari reagoi në mënyrë fantastike për të shpëtuar Torinon nga pësimi.

Në minutën e 41-të, Francisco Conceicao ndërmori një aksion individual të bukur, kaloi dy kundërshtarë dhe goditi fort nga jashtë zonës, por topi kaloi ngjitur me shtyllën e majtë.

Pas një pjese të parë me dominim të Juventusit, skuadrat shkuan në pushim me rezultatin 0–0.

Në fillim të pjesës së dytë, Torino mendoi se kishte gjetur avantazhin kur Giovanni Simeone shënoi në minutën e 48-të, por goli u anulua për pozicion jashtë loje.

Në minutën e 63-të, Che Adams krijoi një rast të artë për Torinon pas një depërtimi të bukur në zonë, por goditja e tij u ndal nga portieri juventin me një pritje të shkëlqyer.

Në minutën e 67-të, Jonathan David, i futur në lojë si zëvendësues, humbi rastin më të mirë të ndeshjes i vetëm në zonë, pasi goditi keq dhe ia dhuroi topin në duar portierit Paleari.

Vetëm një minutë më pas, Weston McKennie goditi me kokë nga afër pas një krosimi perfekt, por Paleari sërish u bë hero me një pritje të jashtëzakonshme.

Pas këtij barazimi Juventusi shkon në kuotën e 19 pikëve dhe mban pozitën e pestë në tabelë./Kampionet/

Standings provided by Sofascore
RELATED ARTICLES

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

- Advertisment -Hapsir per reklama 300x250

Most Popular

Recent Comments