Në mesjavë u zhvillua xhiro e nëntë në kampionatin Italian Serie A, me një maratonë ndeshjes që prodhoi shumë gola dhe sfida të bukura.
Java nisi të martën me Napolin që triumfoi ndaj Lecces në udhëtim dhe Milani që luajti baras ndaj Atalantës.
Juventusi e mposhti në shtëpi Udinesen, teksa fitore para tifozëve mori edhe Roma ndaj Parmës.
Interi gjithashtu tregoi fuqinë e saj duke triumfuar bindshëm ndaj Fiorentinës në ‘Giuseppe Meazza’.
Fitore mori edhe Como, të cilët e mposhtën Hellas Veronën në shtëpi me rezultat 3-1.
Mërgim Vojvoda
Një ndër autorët e golave në këtë sfidë ishte edhe ylli kosovar Mërgim Vojvoda.
Për Vojvodën ky ishte goli i tij i parë këtë sezon dhe ai i cili ia fitoi atij një vend në formacionin më të mirë të javës në Serie A.
Vojvoda bën pjesë në formacion së bashku me yje të tjerë si Hakan Calhanoglu, Nicolo Zaniolo dhe Ademola Lookman.
Reprezentuesi kosovar do të rikthehet sërish në aksion me Comon nesër (e shtunë), ku i pret një sfidë tejet e vështirë në udhëtim ndaj kampionit në fuqi Napolit./Kampionet/
