Sunday, November 30, 2025
Hapsir per reklama 728x90
BallinaLiga NdërkombëtareYlli i Man Utd po përpiqet të largohet nga klubi pavarësisht se...

Ylli i Man Utd po përpiqet të largohet nga klubi pavarësisht se Ruben Amorim dëshiron qëndrimin e tij – Kampionet

Një lojtar i Manchester United, raportohet se po shtyn për një largim në afatin e janarit, por Ruben Amorim do të preferonte ta mbante atë për të shmangur një dilemë të mundshme.

Megjithëse ka përjetuar një fillim të vështirë të sezonit 2025/2026, gjërat kanë filluar të përmirësohen për skuadrën e Amorimit, me “Djajtë e Kuq” që aktualisht ndodhen në një ecuri prej tre fitoresh radhazi, pasi kanë mposhtur Sunderlandin, Liverpoolin dhe Brightonin javët e fundit.

Një numër lojtarësh u larguan nga United gjatë verës, qoftë në formë huazimi apo transferimi të përhershëm, me Rasmus Hojlund, Marcus Rashford, Jadon Sancho dhe Antony që të gjithë u larguan nga “Old Trafford”.

Si zakonisht, pritet të ketë lëvizje në skuadrën e United gjatë afatit kalimtar të janarit, me Mirror që raporton se sulmuesi Joshua Zirkzee dëshiron të largohet nga klubi në formë huazimi gjatë afatit dimëror, pasi ka luajtur vetëm katër herë këtë sezon.

Thuhet se ai do të preferonte të qëndronte në Ligën Premier, por nuk do ta përjashtonte mundësinë për t’u larguar jashtë vendit, pasi dëshiron të luajë rregullisht me shpresën për të siguruar një vend në skuadrën e Holandës për Kupën e Botës së verës së ardhshme.

Ruben Amorim/ Joshua Zirkzee

Megjithatë, sipas një raporti të The Sun, Zirkzee mund të pengohet të largohet.

Arsyeja për këtë lidhet me Kupën e Kombeve të Afrikës (AFCON), e cila është planifikuar të zhvillohet midis 21 dhjetorit dhe 18 janarit.

Amad, Noussair Mazraoui dhe Mbeumo ka shumë gjasa të thirren për përfaqësueset e Bregut të Fildishtë, Marokut dhe Kamerunit, që do të thotë se Amorim mund të mbetet me mungesa në repartin ofensiv për rreth katër javë, në varësi të ecurisë së këtyre kombëtareve në kompeticion.

Më herët këtë javë, gazeta italiane La Gazzetta dello Sport raportoi se gjigantët e Serie A, Roma, ishin të interesuar ta sillnin Zirkze-n në Itali, por çdo marrëveshje e mundshme varet nga Amorim./Kampionet/

RELATED ARTICLES

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

- Advertisment -Hapsir per reklama 300x250

Most Popular

Recent Comments