Granit Xhaka është përballur me pyetje të shumta pas raportimeve se ndaj tij është hapur një hetim nga Prokuroria e Luzernit për dyshimin se ka siguruar certifikatë të falsifikuar të COVID-19.
Sipas “Blick”, Xhaka pritet të merret në pyetje në fillim të tetorit, ndërsa ai i ka mohuar akuzat.
Kapiteni i Zvicrës foli për herë të parë për këtë çështje pas humbjes së Sunderlandit 5-3 ndaj Manchester Cityt, ku luajti gjatë gjithë ndeshjes.
Në një prononcim për “NZZ”, Xhaka u tregua i shkurtër: “Për këtë nuk kam koment. Sot luajta futboll dhe për momentin kjo është ajo që ka rëndësi për mua”.
Kur u pyet nëse kjo çështje po e ndikon, ai u përgjigj: “Aspak, kam kaluar edhe më keq”.
Edhe trajneri i Sunderlandit, Regis Le Bris, nuk pranoi të komentonte për hetimin ndaj Xhakës.
“Nuk është fusha ime e ekspertizës. Fusha ime është futbolli. Dhe sa i përket futbollit, ai është shumë i mirë”.
Tani Xhaka do t’i bashkohet Kombëtares së Zvicrës gjatë pushimit ndërkombëtar. Sipas “Blick”, ai pritet të merret në pyetje nga autoritetet e Luzernit në fillim të tetorit./Kampionet/
