Sunday, November 30, 2025
Hapsir per reklama 728x90
BallinaLiga NdërkombëtareArne Slot zbulon arsyen pse Mo Salah ka pasur rënie të formës...

Arne Slot zbulon arsyen pse Mo Salah ka pasur rënie të formës këtë sezon

Trajneri i Liverpoolit, Arne Slot, ka folur për formën e Mohamed Salah këtë sezon, duke sugjeruar se ndryshimet në skuadër mund të kenë ndikuar në performancën e tij.

Reprezentuesi egjiptian është kritikuar së fundmi nga tifozët dhe ekspertët për mungesën e golave.

Një arsye pse ai nuk po shkëlqen si sezonin e kaluar po besohet të jetë edhe largimi i Trent Alexander-Arnold, ish-partnerit të tij në krahun e djathtë, diçka të cilën e pohoi edhe vet Slot.

“Mund të ketë ndikuar. Ndoshta jo veçanërisht pozicioni i mbrojtësit të djathtë, por mund të ketë, sepse, në fakt, gjatë gjithë karrierës së tij te Liverpooli ai ka luajtur me Trent Alexander-Arnold, kështu që është e mundur”.

Mohamed Salah

“Por, siç e thatë edhe ju, ai ka qenë mjaft shpesh në pozicione premtuese për të shënuar gola. Ndoshta me Trent edhe më shumë, nuk e di, por në përgjithësi, për çdo lojtar, kur ndodhin shumë ndryshime në skuadër gjatë verës, të gjithë duhet të krijojnë sërish lidhje të reja në fushë, dhe zakonisht ky proces kërkon kohë”.

“Mo nuk bën përjashtim, sepse është njeri si të gjithë të tjerët, ndaj mund të ketë lidhje me këtë. Por, siç e keni parë sërish, në një botë ideale do të luaje çdo herë me të njëjtën skuadër, por kjo nuk është realiste për një ekip që luan çdo tre ditë”.

“Edhe po të donim, nuk do të ishte e mundur, sepse Jeremie Frimpong ka pasur disa dëmtime, Conor Bradley gjithashtu, për të mos përmendur që Alexis Mac Allister humbi pjesën përgatitore të sezonit dhe Alex Isak gjithashtu”.

“Mendoj se kjo mund të jetë një nga arsyet pse nuk kemi qenë aq konstantë sa sezonin e kaluar”, përfundoi tekniku holandez./Kampionet/

RELATED ARTICLES

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

- Advertisment -Hapsir per reklama 300x250

Most Popular

Recent Comments