2 Korriku ka arritur fitore në ndeshjen kthyese ndaj Hibernian në ndeshjen e zhvilluar në stadiumin Zahir Pajaziti.
Futbollistët e talentuar kryeqytetas të grupmoshave U19 triumfuan ndaj Hibernian U19 me rezultat minimal 1-0.
Ndeshja u zhbllokua vetëm pas dy minutave lojë, kur Omer Shala realizoi për 1-0 pas asistimit nga mbrojtësi Eliot Uka.
Deri në fund të ndeshjes më gola nuk pati, përkundër që kryeqytetasit e rinj tentuan me çdo kusht të shënonin gola të tjerë.
Gjithsesi kjo fitore nuk mjafton për të kaluar tutje në UEFA Youth League, pasi Hibernian në ndeshjen e parë të zhvilluar në Skoci triumfuan me rezultat 4-0. /Kampionet/
